Dikon b’a disidi di bin biba Kòrsou, lagando Ulanda atras? Esei te pregunta ku hopi hende ta hasimi.
E kontesta ta simpel, apesar di TUR loke mi tabata tin na Ulanda, tantu material i komo e posibilidat(nan), mi no tabata Felis. Mi no a bai Ulanda pa studia afo. Esdesir ta ku 13 aña mi a bandona mi pais kual tabata desishon di mi Mama. Berdat mi tin hopi kustumber Ulandes, i tambe hopi kos di jama Danki Ulanda p’e. Pero loke nunka mi por a kustumbra na dje, te biba solitario ku bo tin. I no komprondemi malu, MI STIMA MI SOLEDAT. Mi ta un persona ku ta medita den su kamber, den silensio, su so, pa asina asepta loke a bai malu i bin ku un solushon. Pero e bida di Ulanda kaminda fo’i 18 aña mi tabata biba riba mi mes dus ta skol, trabou, kas wak 4 muraya no por a kompara ku e sintimentu ku Kòrsou tabata n’ami ki ora mi bin ku vakantie.
Apesar di esei, semper mi a kere den usa mi konosementu, sabiduria i edukashon pa yuda mi mes Pais. Ulanda ta kla kaba, ofwel mas leu ku nos. Kòrsou por usa tur man, pa yega na un miho mañan. Pues despeus di termina algun estudio i tra algun eksperensia m’a opta pa regresa MI KAS desidido pa aporta na mi Pais.
Pues… No, mi no ke bai biba bek Ulanda ni mi no ta sinti ku m’a pèrdè nada ni doe mi mes te kort. #Dyna
