Den mi lastu entrevista mi a duna di konose ku mi ta un hóben empresaria di karakter hopi fuerte, pero tòg k’un kurason ku ta gusta yuda.Sinembargo awe mi ke para na e punto ku ta bisa ku yudamentu tambe tin su limit’e ora bo ta un empresaria / doño di un empresa.
Hopi biaha nos ta yuda un persona mirando su situashon, sin para ketu na e risiko nan ku nos ta kore. Brindando bo servisio gratis of na preis di baka flaku por afektá bo imagen na momentu ku e persona aki tuma pa kustumber i kuminsa habusa di bo konfiansa.
A pasami ku mi a yega di brinda mi servisio gratis na un persona ku na e momentu ei mi a ripara ku e tin problema di finansia. E uniko kos ku mi a spera di e persona aki ta lealtat. Sinembargo mi a keda soprendí ku e skòp ku mi a haña pa danki ora e la alkansá krea su nòmber.
Si, kisas den bo bista mi ta bobo pa kere den yuda hende den aña 2020. Pero sinembargo ku m’a hasi loke mi kurason a bisami. Paso DANKI n’e skòp, awe mi por bisa ku mi no konose Amiga/u ni Famia den hasi business. Ni tampoko mi konose e palabra “duele”. Sea bo ta respetá mi preis i yamami ora bo por afford mi. Of bo ta bai serka esun ku bo por paga of ku ta siñando i kual lo ta win-win situatie.
Tene duele di bo mes, manera bo ta tene duele di hende. Trabou pornada ta salibu karu, mirando ku ta bo tempu i material bo ta invertí den esaki.Pues pa ami … Mi stima yuda. Pero yuda tin su limit’e!
