Awendia kasi tur trabou (i asta stage) ta eksigí p’abo tin eksperensia rib’e tereno ku bo solisita p’e. Esaki ta buta ku hopi hoben ta deskurasha i eksperensia un momentu di paniko. P’esei mi ta bai dunabu algun tip pa yudabu evita rechaso: 1. Mas jòng bo kuminsa traha riba bo CV, mas miho. Si bo tin e tempu i espasio pa kue un jòb, bai p’e. Tin ora e eksperensia ku nan ta eksigí dibo no t’esun di e funshon ku lo bo bai okupa, pero esun di sa kon trata ku kliente i un conflicto na trabou por ehèmpel. Esaki bo por siña kasi tur kaminda. 2. Projecto nan ku bo hasi independiente durante bo estudio tambe ta punto nan kubo por nota riba bo CV kual por dunabu preferensha. Por ehèmpel si b’a hañabu ta organisa un evento sin fondo, krea un concepto nobo p’un kompania, traha flyer usando Photoshop of usa Exact pa boekhouding.3. Pero e TRIKI mes mes ta sinta den SIÑA BENDE BO MES komo profeshonal. Si abo no sa dikon nan mester tumabu i dikon bo ta kantidata adekua p’e puesto, ken si sa? Siña usa bo miho karakterista(nan) i talento na bo benefisió. Mi a yega di asta bende mi mes di tal forma ku m’a splika nan kon barata mi ta sali nan kompara ku e otro kantidata. Den e mesun rosea m’a bira usa nan historia, balor i vishon pa splika nan kon ami por yuda nan alkansa nan mishon(bai bon prepara!) I prome mi por a drenta trein, ja nan a jamami pami kuminsa e sigiente siman.4. No laga loke tin para den e vacature strobabu di solisita. Solisita ANYWAY. #Dyna
B’a kab’i studia, i kiko awo?
